PowerPlay Jurnal

Шаноўныя сябры,

Хацеў бы паведаміць вам пра апошнія навіны наконт развіцця і планаў PowerPlay Manager. Спачатку я бы хацеў закрануць новую функцыю - гісторыю нацыянальнай каманды ў футболе.

Камандная гісторыя нацыянальных зборных у футболе запушчана. Паказваюцца ўсе дасягненні нацыянальнай каманды, уключаючы медалі Кубку Свету, Кубку Еўропы ці Інтэрнацыянальнага Кубку. Таксама адлюстроўваецца імя мэнэджара ў дадзеным сезоне. Пакуль што не паказваецца ўдзел у кваліфікацыі ў няцотных сезонах, але гэта мае быць хутка выпраўлена.

Наступная добрая навіна - мы выправілі памылку са штодзённым бонусам у футболе. Былі выпадкі, калі функцыя не працавала для тых карыстальнікаў, якія спачатку знаходзіліся ў публічным акаўнце перад уваходам. Гэтая праблема вырашана.

Хачу праанансаваць перагрупіроўку напрыканцы сезону ў большасці хакейных лігаў. Гэта азначае, што каманды на апошніх двух узроўнях будуць перагрупіраваныя, каб паменшыць колькасць лігаў і выдаліць каманды без мэнэджараў. Некаторыя каманды з-за гэтага могуць пайсці на павышэнне. Спіс краінаў, дзе адбудзецца перагрупіроўка:

Аргентына, Беларусь, Бельгія, Боснія і Герцэгавіна, Бразілія, Балгарыя, Канада, Харватыя, Чэхія, Данія, Эстонія, Фінляндыя, Венгрыя, Ірландыя, Латвія, Польшча, Расія, Сербія, Славакія, Славенія, Іспанія, Швецыя, Турцыя, ЗША і краіны Астатняга Свету.

Зараз мы працуем над новай функцыяй, якая дазволіць вам прапаноўваць вашага гульца на продаж без змяшчэння яго на рынку і рызыкі таго, што гулец ня будзе прададзены. Гэтая функцыя будзе бесплатнай раз за сезон, звыш разу - за крэдыты. Мы таксама адменім абмежаванне максімальнага стартавага кошту на гульца або супрацоўніка. Мы вырашылі яго адмяніць з-за вашых водгукаў пасля запуску функцыі некалькі месяцаў таму. Замест гэтага будзе ўведзена абмежаванне на максімальны падатак, калі гулец ці супрацоўнік не прададзены (5 мільёнаў) дзеля таго, каб не збанкучваліся каманды. Гэтыя змены адбудуцца цягам некалькіх дзён ці тыдняў, у залежнасці ад таго, як пройдзе тэставанне.

Я думаю, вам цікава пачуць звесткі пра прагрэс у распрацоўцы гандболу. Добрая навіна заключаецца ў тым, што мы зможам прысвяціць распрацоўцы гандболу больш часу і направіць на распрацоўку больш праграмістаў. Кепская - мы дакладна не паспеем, як мы раней збіраліся, запусціць бэта-версію ў гэтым годзе. Я буду працягваць інфармаваць вас аб прагрэсе ў распрацоўцы.

Гэта ўсё на сёння, шчаслівага дню!