Oggetto: أسئلة بسيطة يا اخوان

سلام عليكم ،
يا اخوان ابغى اسال عن حاجتين !
1 - وش فايدة المعسكر التدريبي ؟
يفيديني قبل المباريات يعني ولا لتطوير الناشئين ؟

2- وش فايدة الاستكشاف ؟

سؤال اخر :
انا حطيت لاعبين كاستبدالات عند الطرد او التاخر في النتيجة !
مع هذا تاخرت في النتيجة ولا اتبدل احد !

وعليكم السلام

لك معسكريين تدربين في الموسم فقط

افضل شي انك تخليها في نهاية الموسم بعد ما قدم لك ناشيئن يدعمون ناديك في المستقبل

الاهم انك تستفيد منه بصورة كاملة

والمعسكر يزيد فيه معدل تدريبيه اليومي إلى الضعف

وهذا يعتمد على مستوى مركز الاكادمية عندك

يعني كل ما زاد المركز كل ما يزيد عدد اللاعبين اللي يدخلون المعسكر ونسبة الزيادة في التدريبات

يمكن جاء تبديلك بعد ما تاخرت

ولهذا تحتاج إلى نسخ تبديلك على كذا وفت وهذا الامر اصيح سهل في التبديل بوجود خيار تسخ التبديل

اما اذا كان تاخرك فبل التبديل
يمكن انت حطيتها خطأ

التاخير تحطها بالسالب
-1

اما في حالة التقدم تحطها عايدي بدون رمز

ولك تحياتي

لاهنت يبو سلطان رد وافي ..
بالنسبة للاستكشاف ما رديت علي !؟

ايضاً يا غالي حاولت اعدل على التبديلات قبل المباراة بنصف ساعة ورفض !
وش القوانين قبل المباراة ؟

الاستكشاف يعطيك جودة اللاعب الفعلية

في السوق راح تظهر لك جودة اللاعب المعروض ...بعد ما ترسل له الكشاف ويجيك التقرير راح تحصل انه تغير

وايضا يكشف لك مهارات وجودة لاعبين الفرق الاخرى

----------------------------

لا يمكن لك التعديل على التشكيلة أو التكتيك إذا تبقى على موعد المباراة أقل من ساعة

حاول تعدل قبل المباراة بساعة

ولك تحياتي

يعطيك العافية اخوي ابوسلطان تعبتك معي .. بس معي سؤال ايضا وان شاءالله اخير ..
بالنسبة لنقاط الخبرة هل فيه طريقة توصلني الى النقطة 11 غير الدخول يومياً ؟
وبالنسبة للاعبين في سوق الانتقالات .. مثلاً مهاجم كيف اميز ان هناك مهاجم افضل من غيره ؟
وهل تكلفة اللاعب اذا كانت عشرة الاف تعتبر قيمة رخيصة ؟

هلا اخوي بالنسبة لخبرة المدير فقط الدخول يوميا هي التي تزيد معدلها ..
وبالنسبة لشراء لاعب مهاجم ..
تحكم الخطة وطريقة اللعب .. ولاكن
المهاجم له مهارات اساسية وهي
هجوم + التصويب + المهارة
ومهارات ثانوية مثل
الرأس + السرعة
...
ولاكن الخطة هي التي تحكم
اذا تلعب بمهاجم وحيد او اكثر
---

بالنسبة لسعر اللاعب المزاد يحكم

بالنسبة لخبرة المدير مثل ما قال أخونا نجم رياضه

لكن اختلف معاه بالنسبة لكيفيه معرفه المهاجم جيد

الماهجم مهاراته المهمه هجوم وتصويب والمهارات المؤثرة فيه السرعة واللي تاثيره متوسطه المهاره والثانوية الراسيات والتمرير

وهذا جدول يوضح اهمية المهارات لكل مركز

http://www8.0zz0.com/2011/08/16/16/379208479.jpg

وان ما فتح تجده في دليل اللعبة في الوصف الخاص باللاعبين

----------------------------------
بالنسبة لشراء اللاعبين

ما يهم رخيص او غالي الاهم انه راح يوصلك لدوري الممتاز ولا تغير فريقك كامل ارفع الاكادمية والتدريب راح تحصل يجوك لعيبة مع الوقت يكونون مثل اللي تشتريهم

اهم شي لا تصرف كثير على الشراء واهتم بمرافقك والملعب حتى تصل للهدف اللي تبيه

اصبر على فريقك راح تحصله نفسك منافس

...........................

عندي فريق هوكي في الدرجة الثالثة صابر عليه لان المنافسه هناك اقوى الان اطور في ملعبه وبعد ما يزيد دخلي راح اشتري لعيبه صغار
جودتهم جيد جدا
مع اللاعبيه اللي عندي راح اوصل فيهم لدرجة الاولى بدون تعب

المقصد من كلامي ضع اهداف لك للتطوير وخلها من اولوايتك

وخلال موسمين راح توصل اهم المرافق إلى العاشر

مع تطوير لبعض القطاعات في الملعب

راح تحصل دخلك يزيد وقوتك في شراء اللاعبين يزيد

ولك تحياتي

كل شيء واضح الان وما قصرت معي ،
بس المشكلة اللي ما انحلت معي هي الاستبدالات !
انا اذا خليت مثلاً : من -10 الى -1 .. ما يصير شيء في المباراة ولا يتبدلون !
ياليت تشرح خانات الاستبدلات بشرح واضح ..
مثلاً : الطرد - الشوط الثاني - دائماً - التأخر

واشكرك واشكر نجم رياضة

بودي ان احط صورة لكن مع الاسف لا يسعفني الوقت
بعد ما تضغط هلى تبديل جديد
ياتيك نافذه نقسمها إلى ثلاث

1- الوقت والطرد
الاختيار هنا يكون واحد منهم
إختار الوفت الذي تريد فيه التبديل
أو
اختار الطرد وبعدها تختار المركز اللي ينطرد منه وممكن تحط كل المراكز على حسب خطتك

2- دائما وفارق الاهداف

إختيار دائما
يكون التغير بغض النظر عن النتيجة
أو
إختيار فارق الاهداف
يجيك مربعين
ضع في المربع اليسار الرقم الاصغر -5

وفي المربع الايمين الرقم الاكبر -1


3- التشكيل

يمكن هنا تغير مراكز اللاعبين أو تبديلهم عن طريق
السحب وممكن تعمل الاثميم ينفس امر التبديل

ومن ثم تسوي حفظ الاستبدال

في ملحوظه بعد القيام بالحفظ

يسمى التبيدل اللي سويته باستبدال 1 تجده في اليسار
على يمينة فيه ثلاث اشكال
تبدا بالايمين الاكس تضغط عليه يحذف لك التبديل
وييساره التعديل على الاستيدال اللي نفذته
والاخير على شكل ورقتين ... يكرر لك تفس التبديل ويسميها تبديل 2

يمكن بعدها تعدل في الوقت او ما يناسب خطتك
( ممكن تكون النتيجة تتغير في وقت متأخر من المباراة في هذي الحالة تحتاج تكرر التبديل على كذا وقت )

أتمنى أن الامور وضحت
ولك تحباتي

طيب بالنسبة لحزمة البرو .. مكتوب بقي لي 15 يوم اعتقد ، بس ما ادري وش فايدتها ؟
اذا تقدر تعطيني اشياء اقدر استفيد منها من الحزمة

وشكراً لك ،

صراحه مشكور اخوي [طيبه [ لأنك قلت لي على المنتدى لأني مآكنت أعرف شي عنه وفعلا حصلت أجآبأت أختصرت علي أسئلتي ... وشكرآ للجميع والمشآركآت .. آسف هلستون دخلت بموضوعك

يبو سلطان أو اللي يعرف الاجابة.
وش الفرق بين الجودة والتقييم في اللاعبين ؟
ووش الافضل بينهم او يعني وش اللي لازم اركز عليه