PowerPlay Magazine

Шаноўныя мэнэджары,

на мінулым тыдні мы зрабілі анонс чарады зменаў у эканоміцы, што спарадзіла шмат рэакцыі, пытанняў і каментароў ад вас. Мы бы хацелі адказаць у сённяшніх навінах на некаторыя з гэтых пытанняў і каментароў. Мы зрабілі некалькі карэкціровак да аб'яўленых зменаў згодна з вашымі каментарыямі, мы іх таксама прадставім тут.

У пункце 3 мы праінфармавалі вас, што бонус АРК за пераход у вышэйшую лігу будзе зменшаны. Замест 15% змяншэння АРК, у выпадку павышэння АРК будзе зменшаны на 20% напачатку наступнага сезону. Гэты бонус будзе дадзены тым камандам, якія яшчэ ня гралі на ўзроўні той лігі, ў якую былі павышаныя. Было аб'яўлена, што пачатковай кропкай для адліку будзе ўзровень вашай лігі ў гэтым сезоне. Тым не менш, як правільна звярнулі ўвагу некаторыя з вас, гэтая змена была аб'яўлена занадта позна цягам сезону, і таму мы вырашылі зрабіць пачатковай кропкай адліку ўзровень вашай лігі ў наступным сезоне. Гэта значыць, што калі вы пярэйдзеце ў ніжэйшую лігу ў гэтым сезоне, вы ўсё адно атрымаеце бонус у выпадку, калі зможаце вярнуцца ў вышэйшую лігу.

У пункце 5 мы праінфармавалі вас, што спонсары будуць прымаць пад увагу, калі вы вырашыце "зліваць" ключавыя гульні сезону (глядзіце навіны мінулага тыдня з пералікам гульняў, якія з'яўляюцца ключавымі). Шмат пытанняў паўстала наконт гэтага пункту. Я хацеў бы адказаць тут на найбольш важныя з іх.

Што калі мае топ-гульцы атрымаюць траўмы альбо будуць дыскваліфікаваныя, і моц маёй каманды з-за гэтага заўважна знізіцца?

Мы ўсталюем узровень моцы каманды такім чынам, што траўмы вядучых гульцоў ня дадуць апусціцца ўзроўню моцы каманды ніжэй гэтай планкі. Тым не менш, мы рэкамендуем вам мець у хакеі хаця б аднаго запаснога брамніка адпаведнага ўзроўню. Як вы ведаеце, запасны брамнік уплывае на моц брамніка ў хакеі. Да гэтага часу магчыма было праводзіць гульні без запаснога брамніка, але цяпер рабіць гэта будзе забаронена, каб зрабіць моц брамніка больш стабільнай. У рэшце рэшт, хакейныя правілы не дазваляюць гуляць без запаснога брамніка. Калі вы не выбераце запаснога брамніка, склад будзе выстаўлены аўтаматычна.

Што калі я вырашу прыберагчы энэргію для наступных раўндаў,  гуляючы на нізкай важнасці з-за слабасці майго апаненту?

Важнасць ня будзе ўлічвацца спонсарамі.

Што калі я паспрабую прайграць, але выйграю?

Перамога будзе лічыцца спонсарамі добрай гульнёй, не зважаючы на моц каманды, якая яе дабілася.

Што калі мае вядучыя гульцы будуць знаходзіцца ў трэніравальным лагеры падчас ключавых гульняў?

Планавенне трэніравальных лагераў - частка вашай мэнэджарскай працы ў клубе. Калі вы дасылаеце сваіх лепшых гульцоў у лагер на час ключавых гульняў, гэта з'яўляецца кепскім кіраўнічым рашэннем і будзе ўзята пад увагу спонсарамі.

Што калі я граў увесь сезон на высокай важнасці, і энэргія маіх гульцоў упала да такой ступені, што моц маёй каманды значна ўпадзе таксама падчас правядзення ключавых гульняў?

Падзенне энэргіі - паступовы працэс, і вы ня можаце згубіць столькі энэргіі раптам. Сярэдняя моц каманды будзе лічыцца па больш позніх гульнях, першыя гульні сезону ўлічвацца ня будуць.

Што калі я вырашу прайграць другую гульню для таго, каб максімізаваць свой прыбытак ад трэцяй гульні на хатняй пляцоўцы?

Такая рызыковая тактыка не спадабаецца спонсарам.

Як я зразумею, ўпадабалі мае намаганні ў ключавых гульнях спонсары ці не?

Мы разгледзім адпраўку камандам навінаў пасля кожнай ключавой гульні, у якой моц вашай каманды апусцілася ніжэй патрэбнай. Штосьці накшталт папярэджання ад спонсараў.

Яшчэ раз звяртаем вашую ўвагу на тое, што ўсе гэтыя змены нацэлены на тое, каб зрабіць гульню лепей і больш канкурэнтнай. Мы таксама хочам заўважыць, што змены робяцца згодна з вашымі каментарамі і назіраннямі, а не таму што мы, седзячы ў офісе, вырашылі перавярнуць усю гульню дагары нагамі і сапсаваць настрой гульцам шматлікімі зменамі. Мы робім гэта, каб падтрымаць спартовы дух і выключыць неспартовыя махінацыі і схемы, якія большасць з нас ня хоча бачыць. У рэшце рэшт, гэта - спартовая гульня.

Я таксама хачу напомніць вам, што вы яшчэ можаце скарыстацца  зніжкамі да 30% на PRO-пакеты ў футболе. Зніжкі дзейнічаюць да 14.00 ЦЕЧ 2 ліпеня.

Добрага дня!