PowerPlay 杂志

Шаноўныя сябры,

Гандбол - наступны від спорту, які будзе запушчаны ў PowerPlay Manager. Вы маглі прачытаць пра гэта на Facebook неўзабаве пасля таго, як гэта было абвешчана на афіцыйнай сустрэчы PPM у Брно, Чэхія, у мінулую пятніцу. Сустрэча стала рэкорднай па наведвальнасці - сабралася 63 мэнэджара.

Мы разумеем, што гэта можа стаць для вас нечаканасцю. Мы доўга і старанна абдумвалі кірунак развіцця гульні і што будзе лепш для гульні. Існуе некалькі чыннікаў, па якіх мы абралі гэты від спорту.

1. Від спорту, які мы жадаем запусціць, мы разумеем больш, чым большасць з тых, якія маюць быць распрацаваныя.
2. Гандбол мае шмат падобных рыс з хакеем і футболам, паколькі  гэта камандны від спорту. Таму яго распрацоўка будзе хутчэйшай, чым калі б мы вырашылі запусціць тэніс ці формулу. Хуткасць вельмі важная для нас, бо мы імкнёмся падтрымліваць гульню жывой і паспяховай.
3. Гандбол папулярны ў краінах, у якіх большасць актыўных мэнэджараў у PPM.

Я ўпэўнены, што зараз вы жадаеце даведацца, калі будзе магчыма пачаць гуляць у гандбол. Па аптымістычных прагнозах, мы можам запусціць бэта версію гульні напачатку наступнага года. Вядома, гэта залежыць ад шматлікіх фактараў і гэта не значыць, што развіццё хакея і футбола спыніцца. Перад намі ўсё яшчэ стаіць велізарная задача па паляпшэнні футбольнага рухавічка.

На сустрэчы ў Брно было  зроблена не толькі гэта гістарычная аб'ява, таксама была уручана ўзнагарода (відэа тут) Чэмпіёну свету по хакеі - opox. Віншуем яго, яго асістэнта і ўсю чэшскую супольнасць з трэцім золатам за апошнія 4 сезоны. Гэта сапраўды выбітнае дасягненне.

На наступны дзень адбылася сустрэча ў Любляне, Славенія, на якой прысутнічалі 2 з 3 заснавальнікаў PPM (tuttle и maxo), праграміст Mysho і я.

Больш падрабязнасцяў пра гэтую сустрэчу я напішу ў часопісе. Гэта былі вельмі насычаныя выходныя.

Нарэшце аб'ява для тых, хто з'яжджае ў адпачынак. Мы плануем запусціць новую PRO функцыю, якая дазволіць прызначыць аднаго намесніка мэнэджара, які зможа кіраваць вашай камандай у вашу адсутнасць. Хутка гэта функцыя пройдзе тэставанне і стане даступная для вас.

Гэта ўсё, удалага дня!