PowerPlay Журнал

Прывітанне, сябры.

Падрыхтоўка PPM-крамы выходзіць на фінішную прамую. Ужо вельмі хутка вы зможаце набыць футболкі, пола, кепкі і магніты. Мы вырашылі паказаць вам некалькі малюначкаў таго, што можна будзе набыць. У вас будзе магчымасць нанесці ваша імя на большасць тавараў, а на частку з іх яшчэ і сцяг вашай краіны. Спадзяемся, вам спадабаецца, і вы папоўніце шэрагі тых, хто ўжо атрымаў падобную прадукцыю падчас сустрэч ці ў якасці прыза за перамогу ў розных спаборніцтвах і турнірах.

У футболе сёння была запушчана функцыя «Разведка рынка». Як і ў хакеі, яна з'яўляецца платнай. Скаўт шукае гульцоў, прададзеных на працягу бягучага, а таксама двух папярэдніх сезонаў, у адпаведнасці з зададзенымі вамі параметрамі. Гэта дазволіць вам ацаніць кошт гульца, якога вы плануеце купіць ці прадаць. Проста ўвядзіце значэнні, блізкія да тых, якімі валодае патрэбны гулец, і вуаля.

Яшчэ адна платная функцыя - агент рынка, знаходзіцца ў стадыі распрацоўкі. Агент будзе рабіць стаўкі на гульцоў, пакуль вас няма побач. Трэба толькі ўсталяваць максімальны кошт, які вы гатовыя заплаціць за гульца, і агент будзе аўтаматычна рабіць стаўкі з мінімальным крокам. Падрабязнасці крыху пазней.

Акрамя таго мы прасунуліся ў працы над футбольным рухавічком. Аналіз існуючага кода завершаны, і мы ўжо працуем над рашэннем найбольш важных праблем.

Таксама сёння мы ўкаранілі некаторыя новаўвядзенні, накіраваныя на бяспеку. Больш немагчыма ўваходзіць у адзін акаўнт з 2-х розных кампутараў ці браўзараў адначасова. Таксама намеснік не можа скарыстацца акаўнтам, калі яго ўладальнік анлайн.

З мэтай папярэджання магчымых праблем з намеснікамі былі ўведзены новыя правілы:

• Калі карыстач і яго/яе намеснік гуляюць у PPM з аднаго і таго ж злучэння (напрыклад, хаты, у школе ці на працы), яны не могуць купляць гульцоў ці супрацоўнікаў адзін у аднаго.
• Карыстач нясе поўную адказнасць за дзеянні свайго намесніка. Магчымая шкода ад дзеянняў апошняга кампенсавана не будзе.
• Спробы прызначэння намесніка супраць яго волі забаронены.

якога-небудзь акаўнта, гэта не застанецца бяскарным. Азнаёміцца з поўным зборам правіл можна тут.

Добрага дня!