POWERPLAY 雜誌

Шаноўныя сябры,

дзень запуску бэта-версіі баскетболу набліжаецца. Неўзабаве мы ўсталюем афіцыйную дату рэлізу. Але перш чым мы зробім гэта, я жадаю паведаміць вам больш падрабязную інфармацыю аб тым, што будзе новага ў баскетболе ў параўнанні з іншымі відамі спорту.

У баскетболе трансферныя падаткі будуць вышэй. Стандартны падатак будзе складаць 5%, як і ў іншых відах спорту, але гэты падатак будзе расці хутчэй і будзе мець больш высокі ліміт. Падатак пачне павялічвацца пасля продажу трох гульцоў (або супрацоўнікаў) у прамежку 70 дзён на 5% пасля кожнага наступнага продажу. Максімальны падатак складзе 75%.

Лёсаванне Нацыянальнага Кубка па баскетболу будзе дасканала выпадковым. Каманды з вышэйшай лігі могуць гуляць адзін супраць аднаго ў першым раўндзе. Гэта змяненне было прапанавана некалькімі карыстальнікамі для бягучых відаў спорту, таму мы вырашылі паспрабаваць яго ў баскетболе.

З-за скарачэння сезону, трэніровачныя лагеры будуць доўжыцца 3-5 дзён.

У тактыцы ў вас будзе магчымасць абраць аднаго ці дзвюх гульцоў каманды, якія будуць мець перавагу для здзяйснення кідка, а таксама абраць аднаго ці дзвюх працілеглых гульцоў, якія будуць індывідуальна гуляць супраць пэўнага гульца суперніка, у той час як астатняя частка каманды будзе гуляць у зоне абароны.

Пры дапамозе прылады стварэння суколкі, у вас будзе магчымасць паказаць на ёй надпіс і нумар гульца. Для кожнага гульца каманды вы зможаце стварыць уласны абутак.

Навіны драфту

На падставе вашых адказаў пад апошняй навіной пра драфт мы вырашылі зрабіць яшчэ пару зменаў. Гэта можа здацца дзіўным, што мы да гэтага часу ўносім змяненні ў драфт, але мы робім іх, каб паказаць вам, што мы паважаем вас і прыслухоўваемся да вашага меркавання. Мы перагледзелі рашэнне аб тым, што за 3 тыдні да драфта гульцы з акадэміі прыходзіць ня будуць. Адсутнасць гульцоў са спартыўнай акадэміі на працягу гэтага часу мае сэнс, але не гледзячы на гэта мы адмаўляемся ад гэтай ідэі. Для таго, каб колькасць новых гульцоў засталася ранейшай, мы паменшым у 2 разы колькасць раўндаў у параўнанні з мінулай заявай. Гэта значыць, што ў хакеі будзе ладзіцца ня больш за 5 раўндаў, у футболе - ня больш за 4 раўнда, у гандболе - ня больш за 3 раўнда. У сувязі з гэтым няма неабходнасці дзяліць драфт на 2 дні.

Усе астатнія змены, абвешчаныя ў папярэдніх навінах, маюць моц. Мы таксама будзем рэалізоўваць некаторыя новыя функцыі, каб зрабіць драфт больш зручным для карыстальніка. Напрыклад, магчымасць перацягнуць гульца ў верхнюю ці ніжнюю частку спісу адным націскам мышы.

Усяго добрага!