POWERPLAY 雜誌

Прывітанне сябры,

вы ўжо заўважылі, што мы дадалі новую функцыю PRO-пакета для старонкі практыкі. Вам гэта павінна спадабацца. Такім чынам, гэта вельмі карысная магчымасць задаваць аўтаматычныя суадносіны атрыбутаў, якія трэніруюць вашыя гульцы. У вас ёсць магчымасць стварыць да 20 трэніравальных праграм з рознымі суадносінамі атрыбутаў. Затым вы проста ўжываеце абраную праграму да гульца на старонцы трэніровак альбо ў профілі самога гульца. Гэта вельмі проста, дастаткова толькі крыху прызвычаіцца да такой магчымасці.

На мінулым тыдні мы анансавалі некалькі новаўвядзенняў. Адно з іх - уплыў важнасці матчу на згулянасць, досвед і наведвальнасць стадыёна. Як вы ўсё ведаеце, чым вышэй важнасць гульні, тым больш энергіі выдаткуюць вашыя гульцы. Паколькі многія з вас аддаюць перавагу выкарыстоўваць нізкую ці вельмі нізкую важнасць нават у значных афіцыйных матчах, мы вырашылі зрабіць гульню крыху больш патрабавальнай у гэтым стаўленні.

З наступнага сезона ў кожным вiдзе спорту важнасць пачне ўлічвацца пры разліку згулянасці і досведу, што атрымліваюцца гульцамі за матч. Чым вышэй будзе важнасць, тым больш згулянасці і досведу атрымаюць гульцы. Гэта датычыцца ўсіх гульняў, за выключэннем крэдытных турніраў у гандболе.

Уплыў на наведвальнасць трыбун будзе ўлічвацца толькі ў дачыненні да афіцыйных гульняў. У выпадку, калі вы будзе гуляць афіцыйны матч (ці яго частку) на нізкай ці вельмі нізкай важнасці і не атрымаеце перамогу, заўзятары запомняць, што ваша каманда гуляла не ў поўную моц, што адаб'ецца на наведвальнасці вашай наступнай афіцыйнай хатняй гульні. Зніжэнне наведвальнасці будзе больш значнай калі вы гулялі на вельмі нізкай важнасці, чым калі вы гулялі на нізкай важнасці. Таксама будзе ўлічана з якой важнасцю якую частку гульні вы правялі. У выпадку вашай перамогі, абраная ў гэтай гульні важнасць ніякага ўплыву на наведвальнасць наступнай гульні не акажа. І яшчэ, калі ваша каманда значна слабей суперніка, заўзятары даруюць вам паражэнне нават, калі вы згулялі на нізкай ці вельмі нізкай важнасці.

Перагрупоўка ліг у хакеі

Як звычайна, у двух малодшых лігах у хакеі будзе праведзена перагрупоўка ліг для выдалення неактыўных каманд і павышэння канкурэнцыі. У гэтым сезоне перагрупоўка закране наступныя краіны:

Аўстрыя, Беларусь, Бельгія, Боснія і Герцагавіна, Бразілія, Балгарыя, Харватыя, Чэхія, Данія, Фінляндыя, Латвія, Летува, Партугалія, Славаччына, Славенія, Швейцарыя, Турцыя, Вялікабрытанія, краіны Іншага Свету

Калі па выніках перагрупоўкі вы трапіце ў іншую лігу, а кантракт са спонсарам вы ўжо падпісалі з бонусамі за перамогі або з бонусамі за месца ў лізе, не варта хвалявацца. Вы зможаце перагледзець спонсарскі кантракт на працягу 2 першых дзён новага сезону.

Статыстыка нацыянальных зборных па гандболе

У профіль гульца ў гандболе на старонку з падрабязнай статыстыкай будзе дададзеная статыстыка па выніках гульняў гэтага гульца за нацыянальную зборную. Таксама з'явіцца табліца з статыстыкай гульцоў на старонцы зборнай каманды.

Добрага дня!