POWERPLAY 雜誌

Шаноўныя сябры,

на мінулым тыдні я абяцаў вам цікавыя навіны пра гандбол. Тэмп распрацоўкі значна паскорыўся, і ужо хутка тэстары прымуцца за сваю працу. Я хацеў бы распавесці вам пра некаторыя змены ў эканоміцы, якія будуць уключаныя ў гандбол.

Дзеля таго, каб было цяжэй даваць рады з вялікай колькасцю гульцоў, а таксама каб паменшыць так званы дэйтрэйдынг (купля і хуткі перапродаж гульцоў з мэтай заробку - заўв. перакл.), патрэбная колькасць трэнераў, фізіятэрапеўтаў і г.д. будзе залежыць ад колькасці гульцоў у камандзе. Напрыклад, калі вы пераўзыдзеце вызначаную колькасць гульцоў, вам спатрэбіцца 3 альбо нават 4 трэнеры, каб трэнероўка вашых гульцоў не замаруджвалася. Калі вы вырашыце не наймаць дадатковых трэнераў, вашыя гульцы пачнуць трэнеравацца ня так эфектыўна, як раней. Калі колькасць вашых гульцоў пераўзыйдзе пэўную лічбу, не дапамогуць нават 4 трэнеры. Такая самая формула будзе прыменена для фізіятэрапеўтаў і доктараў. Колькасць неабходных выкладчыкаў будзе залежыць ад агульнай колькасці персаналу, а колькасць ахоўнікаў - ад памераў арэны. Зменаў наконт мэнэджараў і спартыўных дырэктараў не плануецца.

Кошт пабудоваў ня будзе аднолькавы. Больш за ўсё будуць каштаваць трэнеравальный цэнтр і аддзел кіравання кадрамі і эканомікай. З іншага боку самымі таннымі стануць цэнтр тэхпадтрымкі, цэнтр навучання і медыцынскі цэнтр. Заробак працоўнікаў будзе залежыць ад таго, дзе яны працуюць. гэта значыць, трэнеры і мэнэджары будуць атрымліваць больш за ўсіх.

Я таксама рады прадставіць вам старонку тактыкі. Націсніце на малюнак, і ён адкрыецца ў натуральную велічыню. У вас будзе больш тактычных варыянтаў пры выбары складу, якія мы пакажам вам у наступны раз.

Цяпер да іншых навінаў. На мінулым тыдні я распавёў вам пра новы прынцып паніжэння/павышэння ў лізе. Каб зрабіць больш зразумелым, куды вашая каманда можа быць паніжана ці павышана, мы дадалі адпаведную інфармацыю на Старонку інфармацыі аб лізе ў футболе. Мы таксама змянілі лініі, вызначаючыя зону вылету ў адпаведнасці з актуальнай сітуацыяй. Напрыклад, калі вашая футбольная ліга мае толькі дзве ніжэйшыя лігі, лініі будуць праходзіць пад 18 і 20 пазіцыямі. Мы выдалілі лініі зонаў павышэння з вышэйшых лігаў. Мы зробім тое самае ў хакеі на пачатку наступнага сезону, калі змены стануць актыўнымі.

Шчаслівага дню!