PowerPlay Revija

Прывітанне, сябры!

Сёння ў мяне шмат навінаў. Як вы ведаеце, сезон павольна, але ўпэўнена набліжаецца да завяршэння. Засталося ўсяго два тыдні, і мы плануем некаторыя змены, якія ўступяць у сілу з наступнага сезону. Найболей важныя з іх крануць мэнэджараў у Турцыі і лігах "Іншы Свет". У сувязі з вялікай колькасцю неактыўных мэнэджараў, мы рэарганізуем структуру ліг у гэтых дзвюх "краінах". Мы зменшым колькасць ліг, убяром неактыўныя каманды і пацяснім актыўныя ў пакінутых лігах. Гэта скароціць колькасць гульняў, згуляных супраць ботаў.

Таксама з наступнага сезону (і гэта ўжо дакранаецца ўсіх), каманды без мэнэджара будуць аднаўляць сваю бягучую энергію па той жа схеме, што і звычайныя каманды. Гэта азначае, што вынікі гульняў з гэтымі камандамі будуць больш рэалістычнымі, і не будуць уносіць сумятню ў статыстыку як цяпер.
Мы таксама памяняем алгарытм выдачы камандаў новым мэнэджарам. Мы паспрабуем запоўніць лігі адну за адною па новай сістэме, і таму ўсе новыя каманды атрымаюць магчымасць пачаць прыблізна з тых жа стартавых умоваў, што і іншыя каманды ў гэтай лізе. Гэта павінна ўзмацніць спаборніцкі дух і павялічыць прывабнасць гульні для новых мэнэджараў. Новыя мэнэджары таксама атрымаюць у спадчыну бягучы спонсарскі кантракт выдадзены яго камандзе і яе агульны рэйтынг, што палепшыць іх стартавыя пазіцыі ў параўнанні з бягучым становішчам рэчаў.

Зараз да іншых навін. Вы маглі заўважыць, што на форуме ў паведамленнях ёсць іконка у выглядзе жоўтага трохвугольніка з клічнікам. Выкарыстоўвайце яе для таго, каб пажаліцца на любое паведамленне, якое парушае правілы форума. Я ўпэўнены, што мадэратары будуць удзячны вам за дапамогу. Выкарыстоўвайце гэту магчымасць толькі ў тым выпадку, калі для гэтага ёсць важкая прычына. Спам мадэратараў скаргамі прыраўноўваецца да парушэння правілаў форума і можа прывесці да бану.

Мы рэалізавалі новую опцыю пры стварэнні платных турніраў. Зараз вы можаце запытаць частковае кампенсаванне за аплату стварэння турніру, якая будзе вылічана з агульнага прызавога фонду. Падрабязнасці гледзіце на старонцы стварэння платных турніраў.

І, нарэшце, я хачу абвясціць, што мы дадалі новую схему афарбоўкі лёду на тэму зімовых алімпійскіх гульняў у Ванкуверы. Падтрымаеце сваю алімпійскую зборную, размаляваўшы свой лёд у яе гонар. Краіны з найбольшай колькасцю скарыстаных схемаў размалёўкі атрымаюць узнагароду ў сваім профілі, таксама як і краіны з найбольшай колькасцю размалёўкаў "на душу насельніцтва". Узнагароды будуць выдадзены пасля заканчэння алімпіяды ў Ванкуверы. Размалёўкі для астатніх краінаў мы дадамо крыху пазней. Тыя, што ўжо гатовы, можна знайсці тут:

http://hockey.powerplaymanager.com/en/ice-surface.html

На сёння ўсё. Удалага дня!