Revista PowerPlay

Прывітанне сябры,

Вы чуеце гэты грук? Сёмы сезон стукае ў дзверы! Як і абяцалі раней, мы падрыхтавалі для вас новую версію рухавіка гульні, а таксама новыя тактычныя магчымасці. І гэта было не лёгка. Было патрачана шмат часу на стварэнне тэарэтычнай асновы, каб змяніць праграмны код і пратэставаць яго ў сімулятары. Мы павінны былі пераканацца, што баланс гульні застаўся нязменным, у той час як ваш уплыў на вынікі гульні павялічыцца. Любое змяненне, занесенае ў рухавік гульні ўплывае на іншыя яго элементы і можа парушыць баланс. Мы распісалі змяненні загадзя і я не буду ўдавацца ў дэталі. Вы можаце прачытаць усё пра іх у Дапаможніку. У першую чаргу - у раздзеле Тактыкі.

Апроч абвешчаных змяненняў, мы ўнеслі некаторыя іншыя ўдакладненні, выпраўленні і ўдасканаленні, якія зробяць гульню больш рэалістычнай і прыемнай (хочацца спадзявацца :). Вось асноўны спіс таго што мы зрабілі:

• 5 узроўняў важнасці гульні, замест 3
• магчымасць змяняць важнасць гульні паміж перыядамі ў залежнасці ад ліку на табло
• магчымасць усталёўваць адмысловыя тактыкі для гульні ў большасці і меншасці
• магчымасць усталёўваць час знаходжання на льду для кожнай пяцёркі
• зменены разлік укідванняў, на якое неабходныя навыкі зараз уплываюць больш рэалістычна
• павялічаны ўплыў укідванняў на колькасць кідкоў
• удасканалены разлік штрафаў
• новыя адмысловыя ўплывы кожнага з шасці стыляў гульні (падрабязней у дапаможніку)
• скарэктаваны падзенні энергіі ў залежнасці ад важнасці гульні і часу знаходжання на льду (падрабязней у дапаможніку)
• згулянасць разам з вопытам зараз набіраюць і рэзервовыя брамнікі (падрабязней у дапаможніку)
• паменшана ваганне сілы каманды на працягу гульні
• адменены так званыя "варатарскія дні" і ўведзена ўпэўненасць брамніка (падрабязней у дапаможніку)
• зменены механізм разліку сілы Варатарства (на рухавік гульні гэта не паўплывае, толькі на адлюстраванне сілы. Паказчык Варатарства паменшыцца, так што не перажывайце, калі ўбачыце гэта)

Усе гэтыя змяненні адбудуцца у Панядзелак. Мы хацелі б зрабіць яшчэ некалькі невялікіх змяненняў у плыні сезону. Будзем трымаць вас у курсе.

Мы лічым, што новы рухавік не толькі больш складаны, але і больш рэалістычны, а гэта новы выклік для вопытных мэнэджараў, якія ўжо асвоілі бягучы рухавік. Самае галоўнае, ён дае мэнэджарам больш кантролю над поспехамі сваіх каманд.

Яшчэ адно важнае змяненне - больш у гульнях лігі не будзе нічыіх. Сістэма налічэння ачкоў пры гэтым не змяняецца. Розніца толькі ў тым, што пры нічыёй пасля заканчэння дадаткова часу, вынік гульні вырашаць буліты. Так што не забывайце выстаўляць выканаўцаў булітаў.

Я таксама хацеў вам нагадаць, што з панядзелку на рынку з'явяцца першыя абмежавана вольныя агенты. Пераканаецеся, што вы чыталі дапаможнік па вольных агентах і што выдалі ўсе сезонныя бонусы.

Наша мэта на наступны сезон - знайсці спосаб матываваць мэнэджараў паднімацца ў больш высокія лігі. Зараз час ёсць шмат каманд, якія спецыяльна прайграваюць, каб не паднімацца ў лігу вышэй. Хацелася б пакласці таму канец.

Падказка дня: Калі вы выкарыстоўваеце адзін з нашых дызайнаў як свой малюнак паверхі лёду, то можаце купіць такі дызайн так, каб потым можна было змяняць яго на іншы і ставіць назад бясплатна. Такім чынам, вы зможаце выкарыстоўваць яго так, як быццам гэта ваш уласны дызайн.

Файнага дня!