PowerPlay Žurnāls

Прывітанне, сябры,

на мінулым тыдні мы запусцілі новую функцыю фінансавых бонусаў за штодзённы ўваход у свае каманды. Колькасць грошай вылічвалася як 1% ад тыдневага прыбытку ад спонсараў. Гэта рашэнне сустрэла шмат негатыўных водгукаў ад вас з-за той прычыны, што ад гэтага перавагу атрымаюць багатыя каманды, супернічаць з якімі стане яшчэ складаней.

Як вы ведаеце, мэнэджар з вышэйшай лігі і новы мэнэджар маюць розныя ўспрыняцці грошай. Іх расходы непараўнальныя. Таму мы першапачаткова вырашылі даваць бонусы ў выглядзе адсоткаў ад іх спонсарскіх паступленняў. Тым ня менш, было вырашана змяніць спосап падліку бонусаў згодна з вашымі каментарамі і рэакцыяй.

Такім чынам, пачынаючы з заўтрашняга дню, для кожнай каманды бонус будзе аднолькавым і будзе складаць 50,000 грашовых адзінак  PPM. Максімальная сума - 5.6 мільёнаў за сезон. Больш за тое, мы сінхранізавалі бонус з днём PPM. Дзень PPM пачынаецца а 5 гадзіне раніцы па цэнтральнаеўрапейскім часе (ЦЕЧ). Бонусы, атрыманыя паміж поўначчу і 5 гадзінамі раніцы па ЦЕЧ паказваліся ў статыстыцы фінансаў мінулага дня. Цяпер дні і бонусы сінхранізаваныя, путаніцы больш няма.

Мы яшчэ маем праблемы з бонусамі ў футболе. Некаторыя карыстальнікі скардзяцца на тое, што не бачаць усплываючага акенца і не атрымліваюць бонус. Калі гэта здараецца з вамі, лепшае, што можна зрабіць, - перазапусціць браўзер і паспрабаваць увайсці яшчэ раз. Мы прыкладаем намаганні, каб выявіць праблему, але пакуль што гэта застаецца таямніцай.

Таксама хачу распавесці вам апошнія навіны пра распрацоўку старонкі складу і заменаў у футболе. Мы робім апошнія наладкі і плануем запусціць усё у панядзелак на наступным тыдні. Гэта аказалася больш складаным вызавам, чым мы думалі. Калі мы будзем гатовыя да запуску, футбол на некалькі хвілінаў будзе недаступны, пакуль мы не заменім старыя наладкі заменаў на новыя.

Шчаслівага дня!