PowerPlay Magazín

Шаноўныя сябры,

Я ўпэўнены, шмат хто з вас з нецярплівасцю чакае на запуск новага віду спорта, гандболу. Хачу выкарыстаць магчымасць падзяліцца з вамі некаторымі дэталямі наконт гандболу, у прыватнасці, якія адрозненні будуць ад хакею і футболу.

Пачну з тлумачэння сістэмы лігі. У кожнай гандбольнай лізе будзе 14 каманд, кажная ліга будзе мець 3 лігі з ніжэйшага ўзроўню, куды будуць трапляць каманды на паніжэнне. Кожная каманда згуляе 52 гульні (па 4 з кожным апанентам). Каб даць рады з плотным графікам, гульні лігі будуць праводзіцца 4 дні ў тыдзень.

У канцы рэгулярнага сезону 8 першых каманд кваліфікуюцца ў плэй-оф, у той час як ніжэйшыя шэсць згуляюць у другім раўндзе кругавога турніру. Тры апошнія каманды  будуць паніжаныя аўтаматычна, тры вышэйшыя пройдуць праз гульні на паніжэнне.

Крэдытныя турніры будуць праводзіцца ў спецыяльна вызначаны час. Гэта значыць, што вашая каманда будзе мець магчымасць граць 2 гульні ў дзень. Гульні турніру ня будуць уплываць на энергію, згулянасць, вопыт і папулярнасць. Турніры будуць толькі для прэстыжу і асаблівых пачуццяў ад асобнага спаборніцтва за крэдыты. Будзе магчыма граць гульні турніру кожны дзень.

Я думаю, што пакуль што хопіць інфармацыі, я дадам пасля яшчэ. Упэўнены, вы чакаеце моманту запуску, але пакуль што я ня ў стане казаць пра дакладныя даты. У нас наперадзе месяцы працы. Праграмісты зараз працуюць над рынкам і нацыянальным кубкам.

Цяпер навіны футбола і хакея. Мы запусцілі сістэму ў крэдытных турнірах, што аўтаматычна дае тэхнічную паразу за гульні, якія ня могуць адбыцца з-за прызначэння на гэты дзень матча міжнароднага кубку. У выпадку, калі абедзве каманды ня маюць магчымасці гуляць, тэхнічная перамога аддаецца камандзе, што павінна была гуляць дома.

У хакеі мы дадалі арганізатарам турніра магчымасць самім фарміраваць групы. У футболе гэтая опцыя дзейнічала заўсёды.

За апошнія тыдні мы выправілі некалькі памылак і зрабілі некалькі абнаўленняў у новай жывой трансляцыі хакейных гульняў. Спадзяюся, самыя сур'ёзныя з іх выпраўленыя, але ёсць яшчэ некалькі момантаў, якія нам яшчэ трэба выправіць і некалькі прапановаў, якія мы хочам рэалізаваць.

Гэта ўсё, шчаслівага дня!