PowerPlay Magazin

Шаноўныя сябры,

Як мы абяцалі раней, мы рыхтуем некаторыя паляпшэнні ў эканоміцы і хакея, і футбола, каб дадаць у гульню больш цікавасці і суперніцтва. Галоўная праблема, на якую мы звярнулі ўвагу, - гэта тое, што шмат мэнэджэраў аддавалі перавагу таму, каб заставацца ў ніжэйшых лігах, дзе яны дамініравалі, чым граць у вышэйшых дывізіёнах і знаходзіцца ў сярэдзіне ды нізе турнірнай табліцы. Гэтую праблему агучвалі шмат з вас, і мы вырашылі, што прыйшоў час штосці змяняць. Змены напраўленыя на тое, каб не парушыць доўгатэрміновыя планы мэнэджэраў, якія граюць, каб выграваць, і мы цверда ўпэўненыя, што гульня стане лепей пасля іх рэалізацыі.

Дазвольце мне прэзентаваць агляд надыходзячых зменаў і плануемыя даты іх рэалізацыі:

1. Змена каэфіціэнтаў за пазіцыі ў лізе - Гэтыя каэфіціэнты выкарыстоўваюцца для разліку спонсарскіх прапановаў і колькасці наведальнікаў. Мы зрабілі іх такімі, што розніца паміж першай і апошняй камандай будзе меншая. Таму розніца паміж даходамі лепшых і горшых будзе меншай, што дасць лепшыя шанцы для каманд, якія знаходзяцца на ніжэйшых месцах у турнірнай табліцы, нагнаць топ-клубы. Гэта таксама азначае, што лідэр ніжэйшай лігі больш не атрымае такой перавагі над камандамі з сярэдзіны турнірнай табліцы вышэйшай лігі. Гэта дасць імпульс камандам з ніжэйшых ліг пераходзіць у вышэйшыя. Аднак у цэлым адрозненні паміж узроўнямі ліг ня змяніліся. Гэта змена намечана на выхад адразу перад першымі спонсарскімі прапановамі ў канцы гэтага сезону ў абодвух відах спорту.
   
2. Змена ў разліку агульнага рэйтынгу каманды (АРК) - Набор рэйтынгу за перамогу, нічыю або паразу ў овертайме будзе залежыць ад вашага ўласнага рэйтынгу і рэйтынгу вашага апанента. Калі вы гуляеце з апанентам, АРК якога вышэйшы за ваш, за перамогу вы можаце набраць болей ачкоў рэйтынгу, чым супернік. Хоць так і было заўсёды, мы істотна павялічым гэты эфект. Гэта значыць, што калі вы дамінуеце ў сваёй лізе, але адмаўляецеся павышацца, павелічэнне вашага АРК будзе нашмат ніжэйшым з-за слабай адноснай якасці вашых супернікаў па лізе. З іншага боку, калі вы граеце ў моцнай лізе, дзе большасць камандаў мацнейшыя за вас, вы будзеце ўзнагароджаны большым наборам АРК за кожнае ачко, набранае супраць гэтых моцных супернікаў. Чым большая розніца ў АРК паміж дзвюма камандамі, тым большая розніца ў колькасці балаў рэйтынгу, якія каманды могуць набраць. Гэтая змена будзе ўведзена у пачатку наступнага сезону ў абодвух відах спорту.
   
3. Змена сезоннага падзення АРК для павышаных камандаў - Як вы ведаеце, каманды, якія былі павышаныя, губляюць толькі 15% свайго АРК у канцы сезону. Мы змяняем гэтую колькасць да 20%, і толькі тыя каманды, якія яшчэ не гулялі на такім узроўні лігі, куды яны былі павышаныя, атрымаюць бонус. Напрыклад, калі выгулялі ў ІІ лізе і былі паніжаныя, а потым ізноў павышаныя да лігі ІІ, ваш АРК знізіцца на звычайныя 30%. Тым не менш, калі вы далей будзеце павышаныя да лігі І у першы раз, вы згубіце толькі 20% свайго АРК. Гэтая змена будзе ўведзена дзеля таго, каб спыніць каманды, якія ўвесь час змяняюць вышэйшыя і ніжэйшыя лігі, каб павысіць свой АРК. Трэба заўважыць, што дзеля мэтаў гэтай змены ўзровень вашай лігі ў гэтым сезоне будзе лічыцца стартавай кропкай. Такім чынам, калі вы гралі ў І лізе да гэтага сезону, напрыклад, гэта ня будзе брацца ў разлік, і вы маеце магчымасць атрымаць бонус у выпадку павышэння. Гэтая змена будзе ўведзеная ў абодвух відах спорту ў канцы гэтага сезону.
   
4. Змена спонсарскіх прапановаў для павышаных і паніжаных каманд - Каб даць павышаным камандам лепшыя шанцы ў барацьбе ў вышэйшых лігах, яны атрымаюць дадатковы бонус у спонсарскіх прапановах, уключаючы прапановы медыя партнёраў і арандатараў VIP-месцаў. З іншага боку, паніжаныя каманды атрымаюць паменшаныя спонсарскія прапановы ад генеральнага спонсару, медыя-спонсару і арандатараў VIP-месцаў. Калі ласка, заўважце, што гэтае не напраўлена на тое, каб знішчыць каманды ў нізе табліцы. У камбінацыі са зменамі, апісанымі ў пункце 1, паніжаныя каманды ня будуць атрымліваць менш грошай, чым яны атрымліваюць цяпер. Тым не менш, калі вам удасца пазбегнуць паніжэння, вы ўбачыце, што вашыя спонсарскія прапановы вырастуць у параўнанні з мінулым. Гэтая змена запланавана перад першымі спонсарскімі прапановамі ў канцы гэтага сезону ў абодвух відах спорту.
5. Уплыў свядомай паразы ў ключавых гульнях на спонсарскія прапановы - Гэтая апошняя змена нацэлена на тых, хто свядома пазбягае павышэння ці грае, каб дакладна пайсці на паніжэнне. Спосары заўважаць, калі мэнэджар выстаўляе на пляцоўку каманду са значна меншай сілай, чым была ў каманды на працягу сезону, на ключавыя гульні на павышэнне ці паніжэнне. Гэтымі ключавымі гульнямі лічацца плэй-оффы на павышэнне ці паніжэнне ў абодвух відах спорту, а таксама чвэрцьфіналы, паўфіналы, фіналы і першы раўнд гульняў за размеркаванне месцаў з 9 па 16 у хакеі. Кожную такую гульню, на якую вы вырашыце выставіць значна слабейшы склад, прыкмецяць спонсары і будуць з гэтым лічыцца ў канцы сезону. Гэтая змена будзе ўведзена перад ключавымі гульнямі ў гэтым сезоне.
   

Першыя дзве змены ўжо гатовыя і чакаюць запуску. Астатнія 3 пакуль яшчэ ў распрацоўцы. Калі па якіх-небудзь прычынах мы не паспеем іх запусціць у час, мы паведамім вам.

Навіны футболу

Мы ўвялі опцыю звальнення трэнераў нацыянальных зборных, калі яны ня хочуць працягваць заставацца на гэтай пазіцыі на пацягу другога сезону іх тэрміну. Мэнэджары нацыянальнай каманды могуць знайсці гэтую опцыю на старонцы Выбараў.

Гэта ўсё, добрых выходных!